Лучијано Спалети сериозно го запостави во втор план големото летно засилување Лаутаро Мартинез, а услуга на аргентинскиот талент не му направи и неговиот татко кој јавно го навреди италијанскиот стручњак.
Младиот 21-годишен Аргентинец дефитивно не ги доживува најубавите денови од престојот во Италија, па на сето тоа, сега се надоврза и еден инцидент во центарот на Милано. Имено, ѕвездата на Интер ова утро предизвикал посериозен инцидент во Милано, бидејќи со своето „Порше“ прегазил девојка која возела велосипед.
Лаутаро е приведен во полиција поради предизвиканата несреќа, а позитивно за него е тоа што девојката која завршила во болница минала без животнозагрозувачки повреди.
