Момчето – дух: Се разбудил од кома после 12 години, а првото нешто што ѝ го кажал на својата мајка е морничаво

Како што пренесува “NBC News”, Писториус во 1988-ма година бил како и секое нормално дете, се додека еден ден не се пожалил на болка во грлото. Неговата мајка не обраќала премногу внимание на тоа, мислејќи дека станува збор за обична настинка, но неговата здравствена состојба се влошила до степен да не може да стои на нозе, ниту пак да зборува, по што паднал во кома.

Откако паднал во кома, неговото семејство не се откажало од него, а на изненадување на сите, тој се пробудил после 4 години, односно не се разбудил целосно, туку само бил свесен за се што се случува во неговата околина. Но, тој и натаму не можел ниту да се помдрне, ниту пак да комуницира. Од тој момент, тој во следните 8 години бил практично заробен во своето тело.

Со оглед на тоа што не можеле нон-стоп да бидат со него, неговите родители кои што морале да одат на работа, за време на работното време го оставале во посебен Институт, а во документарен филм тие ја откриваат оваа необична и морничава приказна. Писториус откако се разбудил од кома открил дека во Институтот го малтретирале на разни начини.

„Мразев кога ќе ме однесеа во Центарот, тие беа ужасни кон мене. На мојот татко откако се вратив во живот му открив се, а иако тој пријави, тие секако го негираат тоа. Нема што не ми правеа, ме влечеа за коса, ме удираа со метална вилушка по забите, често ми даваа врел чај, ми удираа шлаканици, се однесуваа како да не се луѓе“, раскажува Мартин Писториус.

Тој дури бил и жртва на сексуално злоставување од страна на медицинска сестра која што симулирала дека има секс со него. Сепак, од се што претрпел, за него најболен момент бил кога ја слушнал неговата мајка како му вели „Се надевам дека ќе умреш“ додека го бришела неговото тело.

Тие зборови длабоко се врежале во неговото сеќавање, па откако повторно можел да комуницира, првото нешто што го кажал било: „Мамо, слушнав кога ми рече „Се надевам дека ќе умреш“, го слушнав тоа“.

Инаку, после 12 години, некои вработени од Институтот забележале дека има промена во неговата состојба и тој се мачи да комуницира со нив. Набрзо тој добил и компјутер со чија што помош и денес комуницира со луѓето.

Тој успеал да ги унапреди и движењата на екстремитетите со разни терапии, а преку интернет во 2008-ма година ја запознал и својата сопруга поради која се преселил во Велика Британија. За него секоја година после излегувањето од кома носи некој напредок, па така во 2011-та година успеал да ја поврати контролата над гласот и рацете, по што ја напишал автобиографијата насловена како „Момчето – дух“.

Сепак, најсреќните вести за него пристигнале ова лето, поточно во јули 2018-та година кога иако докторите им велеле дека никогаш нема да имаат деца, неговата сопруга Џоана ненадејно останала бремена.