Новиот прволигаш, Монца сериозно му пристапи на преодниот рок.
Тимот на легендарните Силвио Берлускони и Адриано Галиани, веќе донесе неколку засилувања со кој даде до знаење дека годинава не смее да се чувствува како “аутсајдер”. Во тимот пристигнаа Филипо Раноки, Андреа Карбони а денес го официјализираа потпиост со поранешиот долгогодишен голман на Каљари, Алесио Крагно.
“Црвено/белите” будно ја следат ситуацијата со поранешното трио на Милан составено од М’Баје Нианг, Стефан Ел Шарави и Марио Балотели кој има најголема шанса да се приклучи на тимот. Денес со Монца како потенцијално засилување беше споено уште едно големо име.
Според “Медиасет”, аргентинскиот интернационалец Мауро Икарди има понуда од Монца. Неговата сопруга, Ванда Нара (која воедно е и негов личен менаџер) ја потврди информацијата. Икарди би пристигнал од Парис Сент Жермен на едногодишна позајмица. Неговото семејство најголемиот период од годината живее во Милано кое е на 15 минути возење од Монца.
29-годишниот напаѓач настапуваше во Сериа А во периодот од 2011 до 2020, најпрво за Сампдорија а потоа за Интер пред да замине во ПСЖ. Според италијанските медиуми, трансферот е блиску до реализација.
Димитар Младеновски
