Екипата на Шкендија доби голем мотив плус зошто да го елиминира Ботошани во второто квалификациско коло во Лигата на Европа.
Европската куќа на фудбалот денес ги одреди можните парови за третото коло во квалификациите за групната фаза во ЛЕ, а истото може да донесе супер-дуел во Македонија и ново гостување на легендарниот Жозе Мурињо.
Доколку тетовчани слават над Ботошани во Скопје најверојатно ќе го пречекаат тимот на Тотенхем, кој од крајот на ланската година е предводен од португалскиот стратег. Англискиот гигант во второто коло гостува кај Локомотив Пловдив и се очекува без проблеми да мине низ Бугарија.
Инаку, Мурињо пред три години беше на гости во Македонија, откако тогашниот негов клуб Манчестер Јунајтед на ажАрената „Тодор Проески“ се судри со Реал Мадрид, во рамки од Суперкупот на Европа во организација на УЕФА.
