Мурал на кој се гледа Жозе Мурињо како вози веспа и пристигнува во тимот на Рома, се појави вчера во предградие на Рим, на воодушевување на сите случајни минувачи кои „нагрнале“ да се фотографираат покрај него.
Рома неодамна ја објави веста дека нивен тренер од наредната сезона ќе биде Мурињо, што ги изненади сите фудбалски симпатизери.
Mourinho fever is already running wild in Rome as a mural of the new Roma boss on a Vespa has appeared in the city 👀 pic.twitter.com/uAaLzYQYp1
— The Sun Football ⚽ (@TheSunFootball) May 7, 2021
Тотенхем го отпушти Мурињо бидејќи не сакаше да ги изведе играчите на тренинг откако клубот објави дека ќе ѝ се приклучи на европската Суперлига. Долго се шпекулираше каде би можел „Специјалниот“ да ја продолжи својата кариера, а изборот падна на Рома.
Како што наведуваат италијанските медиуми, Мурињо прифатил и огромно намалување на платата за да стигне во Рим, но веднаш доставил услови и список на играчи кои сака да ги види на стадионот во наредната година. Како најзвучно име на неговата листа се споменува Давид де Хеа.
Алесандро Флоренци, фудбалерот на Рома кој е моментално на позајмица во ПСЖ, изјавил за „Gazzeta“ дека Мурињо е „свеж воздух“.
„Ова е свеж воздух за сите, Мурињо е можеби тренер со најголемо искуство и најголема личност од сите. Мислам дека тој е оној кој ќе успее да го издржи притисокот на римската средина, се надевам дека тоа добро ќе пројде“.
Рома оваа сезона се наоѓа на седмата позиција во шампионатот на Италија додека во Лига Европа беше поразена во полуфиналето од Манчестер Јунајтед.
