Музичкиот могул Шон Диди Комбс, по смртта на сопругата Ким Портер на 15-ти ноември минатата година, сè уште пробува да го продолжи нормалниот живот со ќерките и синот кој го добил од овој брак.
Ким почина од компликации предизвикани од пневмонија во 47-та година, а нејзината изненадна смрт го потресе семејството кон крајот на минатата година.
Во пресрет на празникот Денот на мајката кој се одбележува на 12-ти мај, Диди во аудио интервју за “Essence” вели дека неговото семејство сè уште не закрепнало и дека ќе им треба уште многу време да се навикнат дека нивната Ким повеќе ја нема.
“Пред сето ова бев татко со скратено работно време. Моето семејство секогаш беше на прво место, но многу пати ја ставав работата пред семејството. Ја слушам секој ден како ми вели дека треба да поминувам време со децата и да се трудам сè да биде добро. Сега сум многу поприсутен и моите деца ми се приоритет”, вели Диди во интервјуто.
Пред Ким да почине, според зборовите на Диди, имала грип и ги испратила децата кај нивниот татко за да не ги разболи.
“Пафи, чувај ги моите деца. Тоа ми го кажа пред да почине”, заклучил музичарот низ солзи.
