Израелскиот премиер Бенјамин Нетанјаху вчера во тајност ја посетил Саудиска Арабија и се сретнал со саудискиот престолонаследник Мохамед Бин Салман и американскиот државен секретар Мајк Помпео кој се наоѓа во службена посета на заливската земја, пренесе денеска израелско државно радио.
Од канцеларијата на Нетанјаху и американската амбасада во Ерусалим засега не ја коментираат оваа вест.
Ави Шарф од весникот „Харец“ објави податоци од авионски лет, кои покажуваат дека авион полетал од Тел Авив и слетал во Неом на саудискиот брег на Црвеното море, каде што Бин Салман и Помпео имале закажан состанок.
Не е тајна дека Американците сега се обидуваат да ги натераат саудиските власти да го следат примерот на Обединетите Арапски Емирати и Бахреин и да воспостават диполоматски односи со Израел, нешто што би било голема победа за израелската држава.
ABSOLUTELY rare Israeli flight direct to new Saudi mega-city Neom on Red Sea shore
It was Bibi's ex-fav bizjet t7-cpx. Back to Tel Aviv after 5 hours on ground pic.twitter.com/Ty9aedYbsK
— avi scharf (@avischarf) November 23, 2020
„Ројтерс“ пренесува дека станува збор за политика на приближување на земји кои се противтежа на Иран. Ријад засега не размислува за нормализација на односите со Израел, истакнувајќи дека најпрвин треба да биде решено палестинското прашање.
Но, Саудијците им дозволија на израелските авиокомпании да прелетуваат преку нивниот воздушен простор до новите дестинации во Персискиот залив и Азија.
