Според информациите на “Газета дело спорт”, АЦ Милан сериозно ќе се засили за време на летниот преоден рок.
Иако во моментов “росонерите” се првопласирани во Сериа А и се борат за скудетото, управата уште сега е максимално ангажирана со цел да го засили играчкиот ростер за следната сезона. Според италианските медиуми за очекување е клубот да биде превземен од страна на финансискиот гигант од Бахреин – “Инвесткорп”. Доколку се испостави дека информациите се точни, тимот ќе има значително поголем буџет за нови засилувања.
Како прв “таргет” на црвено-црните е репрезентативецот на Брегот на слоновата коска, Себастиан Халер. 27 годишниот напаѓач ја бележи најдобрата сезона во кариерата настапувајќи за холандскиот гигант Ајакс. По пристигнувањето од Вест Хем пред почетокот на првенството, Халер има постигнато 33 погодоци и 9 асистенции на 39 натпревари. Сјајниот напаѓач е прв стрелец во холандското првенство и е проценет на 45 милион евра, сума која Милан е спремен да ја плати за да го види во своите редови.
Милан се наоѓа на првата позиција во италианското првенство со 74 бодови на 4 натпревари до крајот на првенството.
Димитар Младеновски
