Изгледа дека на тренерот на Манчестер Јунајтед Оле Гунар Солскјер му дојде преку глава од провокациите од Жозе Мурињо, поточно некои заслуги да си ги припишува себе си.
Во овој момент е јасно дека мечот за викендот меѓу Тотенхем и Манчестер Јунајтед нема да се игра, но Солскјер се најде повреден од тврдењата дека Мурињо бил подобар со Јунајтед.
„Не сакам да коментирам за други тимови и менаџери, но нешто морам да кажам“, започна Норвежанецот и додаде:
„Многу работи требаше да се променат. Не знам колку тоа било драматично, но ги потресе играчите. Додадовме четири играчи, но им дадовме шанса и на младите. Не е тоа само тактика, кога станува збор за играчите. Имам одлични соработници, имам филозофија, го познавам овој клуб“, изјави Солскјер на тврдењата дека Мурињо ја променил културата на Јунајтед.
„Мислам дека сум вистинскиот човек за оваа работа, јас сум навивач на Јунајтед и знам што претставува овој клуб. Само не сакам да седам и да се фалам по цел ден, на крајот резултатите ќе бидат доказ“, додаде Солскјер.
Тој се осврна и на жалењата на Мурињо околу Кејн и Сон.
„И мене ми недостасуваат Погба и Рашфорд, па не зборувам само за тоа. Бидејќи други добиваат шанса, дел од играта е да бидете повредени. Можеби никој не очекуваше да бидеме во борбата за топ четири. Но, ние одигравме добро и покрај сите проблеми“, заклучи Норвежанецот.
