Излевањето на нафта која истекла од најголемата сириска рафинерија расте и се шири во Средоземното море, а до островот Кипар би можела да дојде и денеска, објавиле кипарските власти.
Сириските власти рекле дека минатата недела резервоар со 15 тони гориво почнал да протекува на 23-ти август од термоелектраната во сирискиот крајбрежен град Банијас.
Анализите од сателитските снимки кои ги направил “Orbital EOS” покажуваат дека излевањето на нафтата било поголемо од тоа што се мислело на почетокот и дека се протега на подрачје со приближна големина на Њујорк.
New satellite imagery analyisis by @EOSOrbital using Sentinel-1 indicats that the #Baniyas oil spill seems way larger than anticipated, with almost 1000km2, though visual IDing is need to see if and how big the oil sheen is h/t @HarelDan pic.twitter.com/eqDK1vdD0D
— Wim Zwijnenburg (@wammezz) August 30, 2021
Од компанијата за “CNN” рекле дека нафтената дамка е оддалечена на околу 7 километри од кипарскиот брег.
Кипарската служба за риболов и истражување на морето рекла дека, според нивните симулации, дамката до ‘ртот Апостолос Андреас ќе пристигне во следните 24 часа.
من عمليات إزالة التلوث الذي وصل إلى شاطئ مدينة #جبلة نتيجة تسرب الفيول من أحد خزانات المحطة الحرارية في #بانياس حيث تجري الأعمال بشكل يدوي بسبب طبيعة الشاطئ الصخرية pic.twitter.com/EIGVrHZYQ3
— سانا عاجل (@SanaAjel) August 25, 2021
“Ова сигурно ќе влијае на животите на многу семејства”
Жител на Банијас за “CNN” рекол дека поголем дел од брегот е загаден.
“Не ни беше потребно ова, тука веќе е тешко да се заработи за живот, а ова сигурно ќе влијае на животите на многу семејства. Владата прати само тимови со сунѓери и црева за вода, тие немаат капацитети за решавање на ова…не можете да го чистите морето со сунѓери”, додал тој.
Турција, која дели граница и брег со Сирија, исто така е вклучена во санацијата.
