Како што најави Премиерот Заев вчера, од наредниот месец треба да почне процесот за донесување нов закон за пензионирање согласно кој во пензија ќе мора задолжително да одат сите лица со навршени 64 години.
Исклучок од ова се здравствените работници – лекари и медицински персонал, како и кадри од областа на високото образование.
Законот треба да почне да се применува од јануари наредната година. Според податоците кои ги добил од МИОА во моментов има околу 10.300 лица кои се на возраст над 64 години, а се уште се во работен однос.
-Вака ќе отвориме простор за младите и перспективни кадри кои навистина ќе може да движат напред. Законот е замислен да биде задолжително пензионирањето на 64 години, односно 62 години за жените флесибилно, освен за вработените во здравство лекари и медицински персонал и за високото образование.
Секако, ова ќе помине во конуслтатиции со синдикатите и коморите, да видиме што правиме со одредени дефицитарни струки за да се се создаде недостиг на кадри, рече Заев одговарајќи на новинарско прашање по средбата со стопанските комори.
Тој исткна дека пензискиот систем е стабилен и оти може да ги апсорбира еввентуалните идни пензионери.
–Ова е процес кој ќе биде отворен од септември, да има конечна примена од 1 јануари а конечните цели ќе биде двање шанси на младите кадри и тоа не само за јавната администрација, туку и за прватниот ектор. Ова исто така, ќе овозможи и да се намали јавната администрација, секако и конечно да се подобри квалитетот каде се работи, рече премиерот Заев.
Тој истакна дека дефицитарни кадри и натаму ќе можат да се ангажираат, исто како што ќе може да се ангажираат и искусни советници доколку е тоа потребно.
Оваа најава на владата ја коментираше професорката Мирјана Најчевска:
„Во програмата на Владата стои: Во јавниот сектор ќе се укине можноста за работа по наполнети 64 години возраст, освен за дефицитарни кадри (како на пример здравствените работници и професорскиот кадар на Универзитетите).
На тој начин ќе се отворат повеќе шанси за младите за работа во јавниот сектор, но и намалување на администрацијата во ресорите каде нема потреба од зачувување на работното место“
Во превод ова значи: ќе ги пензионираме оние кои работат за да може да ги задржиме оние кои три години примаа плата, а не одеа на работа и ќе ги вработиме новодостасаните лепачи на плакати, роднини, комшии и блиски пријатели.“
