Рич Фронинг Џуниор е познат како најфит маж на светот, а овој ласкав прекар го добил по четирикратното освојување на светското Кросфит првенство помеѓу 2011 и 2014 година.
Поради тоа не нѐ чуди што Фронинг го сметаат за фитнес експерт. Своите совети денес ги дели како домаќин на подкастот “Froning and Friends”.
“Не мислам дека постои храна која мора да ја јадете, но се ослонувам на овие шест намирници поради одредени причини”, изјавил Рич.
“Немасниот бифтек е одличен извор на протеини и има одличен вкус. Вкусно е и пилешкото и мисиркиното месо, но јас особено претпочитам бифтек”.
“Освен што се богати со протеини, јајцата содржат витамини и минерали. Но, внимавајте на количината бидејќи тие се многу калорични”.
“Брокулата, спанаќот, целерот и сличниот зелен зеленчук е нискокалоричен, а изобилува со витамини, минерали и влакна”.
“Ова ми е омилената намирница од мноштвото на јаглехидрати, која ми дава енергија и ми обезбедува брзо закрепнување по тренингот. Освен слаткиот компир, консумирам и ориз, тестенини и леб од цело зрно”.
“Рибата содржи протеини, а вообичаено е помалку калорична од другите намирници од животинско потекло, па ако сакам да ослабнам, се фокусирам на риба повеќе отколку на месото. Рибата е богата и со омега-3 масни киселини кои се исклучително важни за здравјето”.
“Кикириките се одличен извор на здрави масти и се калорични, а токму тоа ми е потребно по интензивните тренинзи. Да бидеме искрени, путерот од кикирики има одличен вкус”.
