Џорџ Клуни, за потребите на новиот добротворен проект во соработка со организацијата „Omaze“, во промотивното видео открива дека е обожавател на Бред Пит, но се открива и дека е најлошиот цимер на еден „странец“.
Имено, Клуни и неговата сопруга Амал даруваат патување на езерото Комо во Италија каде среќниот добитник ќе се дружи со познатиот пар. Шансата за победа, фановите ќе ја остварат така што ќе донираат пари на фондацијата за правда на Клуни (CFJ), која повикува на одговорност по повод кршење на човековите права ширум светот.
Видеото започнува така што Џорџ, облечен во црна кожна јакна, открива дека сака да го прослави завршувањето на пандемијата со случаен обожавател, секако, кога таа ќе заврши.
„Сакам да дојдете да прославите со мене и со Амал во нашиот дом на езерото Комо. Сериозен сум“, вели Клуни на почетокот.
Потоа открива дека омилен дел од запознавањето нови луѓе е тоа што никогаш не знае кога ќе се роди „пријателство за цел живот“. Додал и дека најголемиот дел од минатата година го поминал како цимер на едно случајно момче и дека тие сега се „најдобри пријатели“.
Но, „случајното момче“ Бajрон сепак ја гледа ситуацијата малку поинаку, откривајќи дека не препорачува дружење со Клуни. Тој наведува дека актерот дошол кај него за да земе нешто што купил преку „Craiglist“, а кога се случило тоа, настапила наредбата „остани дома“ и Клуни „никогаш не си заминал“.
Џорџ открил дека предметот кој го купил била акциона фигура од Бетмен, исмевајќи ја сопствената улога во „Batman & Robin“ од 1997 година и се пошегувал дека фигурата не е „онаа со брадавиците, но сепак не е лоша за 7 долари“.
Токму тогаш Клуни открил дека е голем обожавател на својот колега од трилогијата „Ocean’s“, така што ја покажал својата соба која е украсена со постери и реквизити од Бред Пит.
Потоа кренал една перница со ликот на Бред и рекол: „Можете ли да поверувате дека Амал сакаше да го фрлам ова? Нема шанси, човече“.
Погледнете го урнебесното видео:
