оединетите Американски Држави во вторник регистрираа околу 47 илјади нови случаи на коронавирус, што е рекорд од почетокот на пандемијата.
Американците вчера го регистрираа најголемиот дневен пораст на новозаразени од почетокот на пандемијата, пренесува британската новинска агенција „Ројтерс“.
Најмногу загрижува ситуацијата во сојузните држави Флорида, Тексас, Калифорнија и Аризона, со оглед на тоа што 50% од новите случаи во САД доаѓаат од тие четири сојузни држави.
Само Тексас во текот на вчерашниот ден регистрираше 6,975 нови случаи на заразени со коронавирус, а рекорден број на заразени во едно деноноќие регистрираше и Јужна Каролина (1,775 случаи).
Според водечкиот американски експерт за заразни болести, Ентони Фаучи, САД моментално се движат во погрешна насока и наскоро би можело да се случи на дневно ниво да има и до 100 илјади новозаразени.
„Одиме во погрешна насока и очигледно е дека не ја контролираме ситуацијата. Не би ме изненадило да имаме 100 илјади нови случаи дневно“, изјави Фаучи за време на сослушувањето во американскиот Сенат.
Соединетите Американски Држави се најпогодената земја на светот од пандемијата на коронавирусот. Досега во земјата се регистрирани над 2,7 милиони заразени, а како последица на Ковид-19 починаа над 130 илјади лица.
