Сцената на филмот на „Нетфликс“ предизвика тешкотии за филмската екипа бидејќи актерот Двејн Џонсон не можеше да влезе во електричното Порше Тајкан.
Филмот „Црвено известување“ е многу важен проект за „Нетфликс“ бидејќи ќе стане еден од најскапите филмови во историјата на оваа стриминг платформа. Буџетот на филмот речиси 188 милиони долари, а ќе биде прикажан во 2021 година. Славниот Џонсон глуми во овој филм, но снимањето не поминува без тешкотии.
Имено, тој преку Инстаграм откри дека имал проблем затоа што не можел да седне во Порше Тајкан, електричен автомобил којшто требало да се користи на сцената.
„Карпа“ со месеци се подготвувал за филмот, кој вклучувал и бркотница со автомобил за која било купено и доставено Порше Тајкан. Сепак, кога дошло времето да се снима сцената, Џонсон се обидел да влезе во автомобилот, но без успех. Проблемот е неговиот премногу широк грб.
Поранешниот борач и еден од најплатените актери е едноставно премногу голем за да се смести во супер спортски автомобил.
