Хавајските власти заклучиле дека цигарите се “најопасниот артефакт во човековата историја” и повикале на забрана на нивна продажба во фази до 2024 година, во новиот закон претставен пред парламентот.
Овие острови го поседуваат еден од најрестриктивните закони за цигари во САД. Државата во 2016 година стана првата држава која ја подигна дозволената граница за купување на цигари од 18 на 21 година. Сега новиот закон повикува на дополнително подигнување на таа граница на 30 години до 2020, секоја следна година на 40, 50, 60, a потоа и до 100-тата година од животот во 2024 година.
Лимитот не би се применувал на електронските цигари, пурите или тутунот за џвакање. Ваквиот закон би ги исчистил хавајските киосци, иако на туристите и понатаму би им било дозволено да внесуваат цигари во државата. Интересно е тоа што Хаваи со новиот закон им нуди шанса на своите стогодишници да купат цигари пред крајот на својот живот – доколку успеат да најдат.
“Суштински, ние имаме група од тешки зависници кои се заробени од страна на неверојатно лоша индустрија. Таа ги поробува создавајќи цигари кои се високо зависни и многу смртоносни”, истакнал претставникот на законот, републиканецот Ричард Криган.
Тој додал дека е уверен дека неговиот предлог закон ќе ги преживее сите правни предизвици.
Според федералниот закон, дозволената возраст која е потребна за купување на цигари е 19. Додека повеќето американски држави се придржуваат до тој закон, четири ја подигнале границата на 19 години.
За разлика од правото на оружје, американскиот Устав не го признава пушењето цигари како фундаментално право. Така, во 2012 година федералниот апелационен суд ја поддржа одлуката на понискиот суд против пушач кој се спротивставил на забраната за пушење во Клејтон, Мисури, наведувајќи дека тоа ги нарушува неговите уставни права, потсетува “CNN”.
