Луѓето имаат различни принципи кога станува збор за верност во врската. На некои неверство не им паѓа на памет, додека други се впуштаат во него без грижа на совест, а астролозите сметаат дека сето тоа е запишано во ѕвездите.
Според некои карактерни црти, тука се издвојуваат три знаци, а дри и ако не верувате во хороскоп, не е на одмет да проверите кои карактеристики ги красат верните личности.
Јарците ги бие глас за најверниот и најискрениот хороскопски знак и пред своите партнери не сокриваат буквално ништо. Истото го очекуваат и од нив, а неверство не опростуваат. Искреноста во врската им е на прво место, а неверството го сметаат за една од најлошите лаги.
Девиците генерално сакаат да играат според правилата, па неверството не се вклопува во нивниот животен стил и исто така го сметаат за неопростливо. Освен што им се верни на своите партнери, на луѓето родени во овој знак можат да им се доверат сите кои им се блиски. Секогаш се подготвени да направат сè за личноста која ја сакаат, а исто така и не ги прекршуваат договорите и ветувањата.
Раковите тежнеат кон длабока и стабилна емотивна врска, полна со љубов, во која нема место за неверство. Кога ќе се заљубат, тие се заљубуваат докрај и секогаш размислуваат долгорочно, бидејќи се во потрага по личност со која ќе изградат дом и ќе основаат семејство. За саканата личност се подготвени да направат сè, но истото го очекуваат и за возврат, бидејќи и самите сакаат внимание и сакаат кога љубовта им се докажува.
