Сигурно сите ќе се сложите дека нѝ е потребен одмор и полнење на батериите за предизвиците кои нѝ ги носи Новата година.
Доколку при спомнувањето на зимските празници не ја симнувате вашата насмевка од лицето, размислете за еден сосема поинаков облик на сместување кој ќе го задоволи вкусот на секој љубител на ниските температури.
Романтичните снежни падини се потполно ново ниво на опуштање, а освен разните активности кои стојат на располагање, свежиот воздух и доброто друштво се гаранција за незаборавен помин.
Во продолжение, ви претставуваме три хотели кои сигурно ќе ги воодушеват сите љубители на зимата.
“Snowhotel Kirkenes”, Норвешка
Хотелот “Snowhotel Kirkenes” им овозможува на своите посетители едно незаборавно искуство во собите кои личат на вистинско игло. Сместен на крајниот север на Норвешка, овој хотел нуди уникатно сместување, а неговите гости имаат пристап до ресторан и сауна, како и леден бар.
Неговата посебност е во тоа што секоја година се гради отпочеток, а во неговата изградба учествуваат вајари на мраз од целиот свет.
“Icehotel”, Шведска
Хотелот “Icehotel” е еден од најлуксузните хотели кој се наоѓа во северна Шведска. Собите на овој хотел се во целост изработени од мраз од реката Турне, а секоја соба е приказна сама по себе бидејќи тие се обликувани и дизајнирани од различни уметници.
Тематските студени соби се одликуваат со рачно изработен мебел од мраз, а температурата во нив се движи од -5 до -8 Целзиусови степени. Но, не грижете се – секоја соба има термални вреќи во кои ќе се чувствувате топло и пријатно.
“Kakslauttanen Arctic Resort”, Финска
Овој хотел е многу популарен на социјалната мрежа Инстаграм. “Kakslauttanen Arctic Resort” е сместен во Лапонија, а секое игло е направено така што можете да уживате во гледањето на поларната светлина која е спектакуларна. Тие се направени од термално стакло, а содржат спална соба со луксузен кревет, додека поединечни соби имаат и купатило со сауна.
