По претрпеното семејно насилство и медиумска изолација од неколку месеци Наташа Беквалац повторно стартуваше со настапи и интервјуа, а во едно телевизиско гостување открила дека целосно закрепнала од траумата со Лука и сега била посилна од кога и да е.
“Не ја изгубив вербата во љубовта, напротив, сега ја добив. Не се каам за ништо, по природа сум личност која што не сака да се врти и гледа наназад од проста причина што знам дека не можам ништо да променам. Ако живеам во минатото ќе ги изгубам енергијата, силата, но и времето, а нив можам да ги искористам многу покреативно, поубаво и можам да ги усреќам луѓето околу мене. Сакам да се занимавам со теми на кои што можам да влијаам. Работите секогаш се случуваат онака како што треба да се случат, и ако ова требало да ми се случи на мене, тогаш најверојатно е и добро. Ова не е најтешката година во мојот живот, имало и потешки”, рекла новосадската барбика.
Покрај враќањето на музичката сцена, Наташа е целосно посветена и на ќерките Хана и Катја.
“Меѓу нив нема љубомора, Хана веќе има 11 години, голема е и многу ми помага. Во сите новогодишни желби секогаш на прво место пишувала дека сака да добие брат или сестра и ете, после толку години конечно таа желба и се оствари. И двете уживаат во заедничите игри, а и јас со нив. Потполно е различно мајчинството кога ќе родиш на 24 години и на 36. Сега немам никаков страв, а кога ја родив Хана стравував. Сега баш уживам, стабилна сум и не сакам да пропуштам ниту една секунда од растењето на Катја затоа што знам дека само времето никогаш нема да можем да го вратам. Таа е бебе кое се смее од утро до мрак, не знам како плаче затоа што цело време е насмеана откако се роди. Немам многу обврски околу неа, освен она вообичаеното, да ја нахранам, пресоблечам и да си играме”, додала Беквалац.
