По нападите во кои настрадале две жени, локалните еколози ја откриле причината зошто овие напади воопшто се случиле.
Откако две жени настрадале во напад на ајкули кај египетското летувалиште Хургада, научниците се обидуваат да ја утврдат причината зошто ајкулите, во толку краток временски период, нападнале дури две лица.
Научниците веруваат дека ајкулите биле агресивни бидејќи ги штителе своите јајца.
Потсетуваме, на почетокот на јули две жени настрадале во вода на оддалеченост од 600 метри една од друга, што довело до тоа полицијата да ги затвори плажите.
Првата жртва била државјанка на Романија, чие тело, во страшна состојба, било пронајдено на 3-ти јули, два дена откако било пријавено нејзиното исчезнување.
Втората жртва, Елизабет Сауер (68) била нападната додека нуркала. Жената била забележана додека крвава се обидувала да дојде до брегот. Сауер починала во болница.
По нападот, локалните еколози ја откриле причината зошто се случиле агресивните и необични убиства.
Египетските медиуми известуваат дека локалниот комитет за заштита на животната средина верува дека не е случајно што нападите се случиле во текот на сезоната на парење на ајкули.
Ова се случува од средината на април до крајот на јули и може да предизвика ајкулите да се однесуваат поагресивно кон оние кои се наоѓаат во нивна близина.
Истовремено, повеќето научници се убедени дека нападот го извршила истата ајкула.
Сем Пуркис, претседател на Одделението за геонаука во морето на Универзитетот во Мајами, вели дека “е можно истата ајкула да одговорна за двата напади”.
„Повеќето ајкули се пелагични, се наоѓаат на отворено море и повеќето луѓе никогаш не би се сретнале со нив, но Црвеното море е поинакво“, рекол Пуркис за “Sun Online”.
Тој истакнал дека во 2020-та година бил на Црвеното море за да ги означи ајкулите.
„Минавме седум недели во потрага, и за тоа време најдовме само четири. Луѓето се лоши за ајкулите, тие сакаат подебели суштества како фоки туна. Човекот е како ковчесто пилешко крилце без сос во споредба со фоките“, рекол тој.
