Отруениот руски опозициски лидер Алексеј Навални напиша саркастичен пост на инстаграм, кратко по отпуштањето од германската болница каде се лекуваше. Причина за неговата саркастична реакција беа написите во француските медиуми за телефонски разговор меѓу францускиот претседател Емануел Макрон и рускиот Владимир Путин, во кој Путин рекол дека е возможно Навални сам да се затрул.
„ТОА Е ДОБРА ТЕОРИЈА. МИСЛАМ ДЕКА ЗА НЕЈЗЕ Е ПОТРЕБНА НАЈТЕМЕЛНА ИСТРАГА. САМИОТ СИ ЗГОТВИВ НОВИЧОК ВО КУЈНАТА, ТИВКО ГО ПРОГОЛТАВ ОД ШИШЕНЦЕ ВО АВИОНОТ И ПАДНАВ ВО КОМА. ПРЕД ТОА ИМ КАЖАВ НА СОПРУГАТА, ПРИЈАТЕЛИТЕ И КОЛЕГИТЕ ДЕКА АКО РУСКОТО МИНИСТЕРСТВО ЗА ЗДРАВСТВО ИНСИСТИРА ДА МЕ ИСПРАТИ НА ЛЕКУВАЊЕ ВО ГЕРМАНИЈА, ПОД НИКАКВИ УСЛОВИ ДА НЕ ГО ДОЗВОЛАТ ТОА, НАПИША НАВАЛНИ.
Крајната цел на како што вели лукавиот план била да умре во болницата во Омск, но Путин го надмудрил.
„КАКО РЕЗУЛТАТ НА ТОА ЛЕЖЕВ ВО КОМА 18 ДЕНОВИ КАКО БУДАЛА И НЕ УСПЕАВ ДА ГО ДОБИЈАМ ТОА ШТО ГО САКАВ. ПРОВОКАЦИЈАТА НЕ УСПЕА, ЗАВРШИ НАВАЛНИ.
Опозицискиот лидер и најгласен критичар на Путин во Русија, колабираше на летот од Сибир за Москва на 20 август. Неговите соработници и подржувачи веднаш обвинија дека бил отруен и по неколкудневно лекување во болницата во Омск, руските власти го одобрија барањето да биде префрлен на лекување во Германија. Во болницата во Берлина Навални помина 32 денови од кои 24 на интензивна нега а лекарите утврдиле дека бил затруен со нервен агент Новичок, истиот со кој беше отруен и поранешниот агент на КГБ Сергеј Скрипал во Салсбури во 2018 година. Поради тоа опозицијата ги обвини властите за обид за атентат врз Навални, но Кремлин негира било каква вмешаност во случајот.
