Актуелниот шампион во одличен ритам. Милвоки Бакс стигна до својата 8-ма победа по ред.
Во синоќешниот натпревар против Шарлот Хорнетс, “бакси” во неизвесна завршница успеаа да го зачуваат домашниот терен и да извојуваат тешка (но заслужена) победа од 127-125. Лидер повторно беше актуелниот MVP, Јанис Антетокумпо, со импресивен дабл-дабл учинок од 40 поени и 12 скокиви. Дури 7 кошаркари на победничката екипа имаа двоцифрен број на поени. Покрај својот лидер, вториот стрелец во тимот, Крис Миделтон постигна 21, Грејсон Ален 16, Џру Холидеј, Пет Конанхтон и Џорџ Хил по 11, а Боби Портис 10 поени.
Младиот тим на Шарлот даде сериозен отпор. Младиот плејмејкер, Ламело Бол беше нивни лидер со 36 поени и 9 асистенции, следен од Кели Убре (јуниор) со 25 и Мајлс Бриџис со 22 поени, недоволни за гостински подвиг. На овој меч, свое деби за “елените” имаше и поранешниот All-Star центар (и олимпиец) Демаркус Казнс. Популарниот “Буги”, во својот прв меч за Милвоки, постигна 7 поени за 15 минути игра.
Со осмата победа по ред, Милвоки (во моментов) е израмнет со Чикаго на третата позиција на Истокот, со идентичен скор 14-8. Шарлот (по третиот пораз еден по друг) падна на деветото место.
NBA FAN
Димитар Младеновски
