Интересен дуел помеѓу два тима со високи амбиции. Рано сабајлево, Лос Анџелес Клиперс го пречека Чикаго Булс, во “Стејплс” центарот.
Помалиот тим од “Ел-Еј”, сезоната ја започна лошо со само една победа во првите шест средби. Потоа следуваше импресивна серија од седум победи по ред. Од друга страна, Чикаго, годинава има еден сосема нов тим кој е повеќе од подготвен да ги помати сметките на фаворитите во Источната конференција. Овој пат, главно име беше сјајната ѕвездата, родум од Лос Анџелес.
Демар Дерозан го предводеше својот нов клуб до голема победа, во своето враќање дома. Постигна 35 поени и беше клучна фигура во составот од “ветровитиот град”. Бековскиот партнер, Зек Лавин, исто така имаше плодно поентерско издание со 29 поени. Конечни 100-90 за гостите. Чикаго годинава има девет победи, без пораз кога динамичното бековско дуо постигнува над 25 поени, поединечно. 
Кај домашниот тим (кој сеуште настапува без Каваи Ленард) Пол Џорџ беше повторно поентерски лидер со 27 поени, следен од Ерик Бледсо со 21. Победата на Чикаго, значи враќање на третата позиција во Источната конференција. Поразот на “клиперси” ги симна на шестото место во Западот.
NBA FAN
Димитар Младеновски
