Синоќа се судрија два од најдобрите тимови во источната конференција.
Шампионот Милвоки Бакс го пречека Мајами Хит во меч кој се решаваше во последните секунди. Со поените на Џру Холидеј “елените” извојуваа тешка победа од 120-119. Јанис Антетокумпо реализираше дабл-дабл од 28 поени и 17 скокови додека неговиот Ол-Стар соиграч Крис Миделтон постигна 26 поени.
Џру Холидеј постигна 25 поени и 11 асистенции. Искусниот ветеран со победничкиот шут беше еден од најзаслужните за големиот триумф. На спротивната страна шутерот Тајлер Хироу беше најпрецизен на мечот со 30 постигнати поени.
Со новата победа Милвоки се наоѓа на четвртата позиција во истокот каде Мајами е првопласиран.
NBA FAN
Димитар Младеновски
