Синоќа се случи долгоочекуваниот дуел помеѓу Филаделфија 76ерс и Бруклин Нетс.
Пред мечот се чувствуваше тензија помеѓу двата тима кој направија голема размена пред крајот на преодниот рок. Поранешниот играч на “сиксерси”, Бен Симонс беше во салата но не дебитираше за тимот од Њу Јорк. Уште во првата четвртина, Бруклин го диктираше темпото и ја превзема контролата која ја одржа до крајот на натпреварот.
“Мрежичките” водеа од почеток до крај и извојуваа огромна победа на гости од 129-100. Кевин Дурент оствари дабл-дабл ефект со 25 поени и 14 скокови, Кајри Ирвинг постигна 22 поени а довчерашниот шутер на “сиксерси” Сет Кари постигна 24 поени. Кај домаќините прв стрелец беше Џоел Ембид со 27 поени а Џејмс Харден имаше лоша шутерска ноќ постигнувајќи за него прескромни 11 поени, погодувајќи само 3 шута од 17 обиди.
Со втората победа по ред, Бруклин се наоѓа на осмата позиција во истокот со скор од 34 победи и 33 порази.
NBA FAN
Димитар Младеновски
