Навивачите на Чикаго Булс не можеа ни да замислат за поубав почеток на новата година.
Во втор натпревар по ред “биковите’ победија на начин кој може да се опише само на филмска лента. Демар Дерозан стана првиот играч во историјата на NBA кој погоди победнички шут со звукот на сирената, на два натпревара еден по друг. 
По драматичната победа во Индијанаполис пред само 24 часа, Чикаго пристигна во главниот град. Шутот на Дерозан донесе нов триумф против Вашингтон Визардс (120-119). Постигна 28 поени и заедно со својот бековски партнер Зек Лавин (кој постигна 35 поени) беа најзаслужни за седмата победа по ред на “булси”. Ладнокрвниот скок шут на сјајниот поентер претставуваше втор победнички кош за само два дена, што претставува прв ваков случај во 75 годишната богата историја на лигата.
Со седмата победа по ред, Чикаго се наоѓа на врвот на Истокот со 24 победи и 10 порази.
NBA FAN
Димитар Младеновски
