Најинтересното од синоќешните NBA натпревари.
Милвоки Бакс и Далaс Маверикс одиграа натпревар кој се решаваше во последните секунди.
Центарот Брук Лопез постигна поени (од одбојка) на 7 секунди пред крајот и донесе минимално водство на гостите од Висконсин. Лука Дончич го имаше последниот шут од преку девет метри, кој заврши неуспешно.
“Бакси” извојуваа победа од 106:105 а водечки (очекувано) беше Јанис Антетокумпо со 28 постигнати поени.
Кај домаќините, Лука Дончич реализира 33 поени и 11 асистенции но, беше единствениот расположен за надигрување.
Филаделфија 76ерс го пречека Лос Анџелес Лејкерс и следуваше исклучително интересен натпревар.
Гостите од Калифорнија направија серија од 9:0 во последните секунди од мечот и се изборија за продолжение. Во дополнителните 5 минути игра, “сиксерси” доминираа и сосема заслужено победија со 133:122.
Џоел Ембид беше водечки со 38 поени а одлична игра пружија и Диентони Мелтон кој постигна 33 поени и Џејмс Харден кој реализира 28 поени и 12 асистенции.
На спротивната страна, Ентони Дејвис постигна 31 поен а Леброн Џејмс 23 што се покажа не доволно за спречување на третиот пораз во низа.
Бруклин ја пречека Атланата.
Ѕвездениот тандем на “Нетси” имаше одлично поентерско издание. Кевин Дурент постигна 34 поени а Кајри Ирвинг 33 и беа најзаслижни за домашниот триумф од 120:116. Kaj “јастребите”, Треј Јанг постигна 33 поени а Богдан Богданович 31 поен што се покажа не доволно за освојување на гостинскиот терен.
Со седмата победа во последните десет натпревари, Бруклин дојде до четвртата позиција во Источната конференција, со биланс 15-12.
NBA FAN
Димитар Младеновски
