Од синоќешната NBA програма која броеше 10 мечеви го издвојуваме најинтересниот. Најнеизвесниот дуел се случи во Аризона помеѓу Феникс Санс и Њу Јорк Никс.
Домаќините настапија без генералот Крис Пол и без Девин Букер но, и без својот плејмејкер и својот најдобар стрелец успеаа да го одбранат домашниот терен со 115-114. Во последните секунди Алек Буркс го промаши второтo слободни фрлање при што “санси” добија шанса за победа. Топката дојде до младиот Камерон Џонсон кој со тројка од табла донесе победа со звукот на сирената. Првопласираниот тим во целата лига беше предводен од Камерон Џонсон кој постигна 38 поени а беше следен од Микел Бриџис кој постигна 20.
Гостите беа сериозно ослабени по исклучувањето на Џулиус Рендл на нешто помалку од три минути пред крајот на третата четвртина. И покрај тоа што шест кошаркари на Њу Јорк имаа двоцифрен број на поени, во финишот не успеаа да го скршат отпорот на противникот. “Сонцата” со скор 51-12 се наоѓаат на првото место во NBA.
NBA FAN
Димитар Младеновски
