Во најнеизвесниот NBA натпревар синоќа. Бостон Селтикс го пречека Орландо Меџик.
Регуларните 48 минути не беа доволни за да се одлучи победникот. И покрај големото водство на гостите, импресивното офанзивно издание на “селтикси” во последната четвртина го одведоа натпреварот во продолжение каде беа поуспешни. Четвртата четвртина беше вистинско шоу во изведба на Џејлен Браун. Во овој период, All-Star бекот постигна (дури) 20 поени а неговиот тим ја доби со +15. На крајот од натпреварот Браун имаше 50 постигнати поени (+11 скокови), постигна 5 тројки и беше главен виновник за колапсот на “магичните”. Конечни 116-111 за “келтите”.
Џејлен Браун стана седмиот играч во богатата историја на трофејниот клуб кој ја надминал границата од 50 поени. Пред него тоа го имаат сторено Сем Џонс, Лери Брд, Кевин МекХејл, Пол Пирс, Ајзеа Томас и неговиот тимски колега, Џејсон Тејтум.
NBA FAN
Димитар Младеновски
