Резултатот од синоќешниот дуел помеѓу Мајами Хит и Торонто Репторс остна во втор план.
Главна причина беше судирот помеѓу играчите и тепачката во третата четвртина. При еден дуел под кошот, Кејлеб Мартин и Кристијан Колоко имаа најпрво вербален дуел кое прерасна во борачки судир во првите редови на трибините. За среќа на сите, играчите на обата тима како и обезбедувањето успеаа да ги раздвојат завојуваните страни и да спречат посериозен инцидент.
По хаосот кој настана се очекуваат казни за двата играчи. Мартин и Колоко веднаш беа исклучени од натпреварот а да не беше присебноста и навремената реакција на повеќето, ќе беше далеку посериозно.
Натпреварот заврши со победа на домаќините од 112:109, а водечки кај “Жешките” беше Џими Батлер со 24 постигнати поени.
NBA FAN
Димитар Младеновски
