Ви го пренесуваме најинтересното од синоќешните NBA натпревари.
Далас гостуваше во главниот град, а Вашингтон одигра одлично и заслужено дојде до победата (113:105). Кајл Кузма беше лидер со 36 постигнати поени, следен од Јапонскиот репрезентативец Руи Хачимура кој постигна 23 поени. Одбраната на домаќините во второто полувреме, беше клучна за тимскиот успех.
Ова беше втор натпревар по ред на кој “Mавси” се уверија дека не може да сметаат на успех доколку се форсира само играта на нивната суперѕвезда. Лука Дончич беше “спуштен” на (само 22 поени) а најрасположен за надигрување беше поранешниот “волшебник”, Спенсер Динуиди кој постигна 33 поени што се покажа недоволно за гостински триумф.
Мајами го пречека Шарлот во меч на кој регуларните 48 минути не беа доволни за да се реши победникот.
По дополнителните 5 минути игра, “жешките” славеа со 117:112. Џими Батлер беше водечки со 35 поени а на спротивната страна, Кели Убре постигна 29 поени. И покрај победата, Мајами Хит има разочарувачки почеток на првенството и во моментов има скор од 5 победи и 7 порази.
Портланд гостуваше во Њу Орлеанс без својот најдобар играч, Демиен Лилард.
И покрај тоа, “блејзерси” продолжија со одлична игра и сосема заслужено стигнаа до нов триумф од 106:95. Прв стрелец на тимот од Орегон беше Џереми Грент со 27 поени, следен од Енферни Сајмонс кој реализира 23 поени.
Кај домаќините, Зион Вилијамсон постигна 29 поени кој се покажаа недоволни за зачувување на домашниот терен. Со новата победа, Портланд се наоѓа на втората позиција на Западот, со биланс 9-3.
Атланта гостуваше во Филаделфија. “Јастребите” пружија балансирана офанзивна игра и стигнаа до гостинска победа од 104:95. Шест играчи на Атланта имаа двоцифрен број на поени а очекувано, водечки беше Треј Јанг со 26 поени. Одлична игра пружи центарот Клин Капела кој забележа “дабл-дабл” учинок од 18 поени и 20 скокови.
Домаќините кој веќе одреден период настапуваат без повредениот Џејмс Харден, водечки беше Џоел Ембид со 26 поени.
NBA FAN
Димитар Младеновски
