Пред само 24 часа, Џоел Ембид постигна 42 поени и беше најзаслужен за победата на својата Филаделфија против Атланта Хоукс.
Ретко кој очекуваше дека само еден ден подоцна, еден од најдобрите центри во лигата ќе се надмине себеси?
Ембид имаше фантастична вечер. Постигна 59 поени, 11 скокови, 8 асистенции и 7 блокади за 36 минути игра за победа на “сиксерси” од 105:98 над првопласираниот тим во NBA, Јута Џез. Овој поентерски перформанс претставува рекорд во неговата кариера. Посебно импресивна беше последната четвртина од мечот на кој Ембид постигна 26 поени.
На овој натпревар Ембид сруши и неколку рекорди. Стана првиот играч во последните 25 години кој успеал да постигне над 20 поени и 5 блокади во една четвртина. Исто така, стана првиот игра по 2006-та година кој успеал да постигне повеќе поени во една четвртина од целиот противнички тим (26:21), по Трејси МекГрејди на кој тоа му има појдено од рака. Ембид стана четвртиот играч кој за два натпревари ја надминал границата од 100 поени приклучувајќи им се на Мајкл Џордан, Коби Брајант и Бредли Бил како и прв центар по Вилт Чембрлен во далечната 1967-ма година.
NBA FAN
Димитар Младеновски
