Атланта Хоукс поведе со 1-0 во финалето на Источната конференција против Милвоки Бакс откако “јастребите“ триумфираа на гостински терен со конечно 113-116. Во главна улога повторно беше Треј Јанг, кој беше незапирлив за домашните кошаркари и го заврши мечот со фантастични 48 поени, надополнети со 11 асистенции.
Двата тима во претходната рунда елиминираа големи фаворити. Милвоки го елиминираше Бруклин а Атланта ја исфрли првопласираната Филаделфија. На синоќешниот дуел, “елените” имаат за што да жалат имајќи в предвид дека на четири минути до крајот домшниот состав имаше водство од 7 поени. Во клучните моменти Атланта одигра најдобро, Клинт Капела погоди по офанзивен скок и донесе водство од 111-112 на 29 секунди до крајот, за потоа Јанг да постигне четири слободни фрлања до крајот за конечна победа на тимот од Џорџија.
Младиот центар,Џон Колинс, беше одличен со 23 поени и 15 скокови, а значаен придонес во победата даде и Клинт Капела, кој реализираше дабл-дабл ефект сочинет од 12 поени и 19 скокови. На спротивната страна Јанис Антетокумпо постигна 34 поени, новиот репрезентативец Џру Холидеј реализираше 33 поени , но целосно потфрли Крис Мидлтон, кој стигна до 15 поени, но имаше катастрофален шут од поле 6/23 (за тројка 0/9).
NBA FAN
Димитар Младеновски
