Најинтересното од синоќешните NBA натпревари.
Денвер го пречека Шарлот и следуваше неизвесен дуел.
Иако домаќините важеа за фаворити, гостите од Северна Каролина пружија достоен отпор. Фантастичната индивидуална партија на Никола Јокич беше главен фактор во победата од 119:115.
Најкорисниот NBA играч во последните две сезони, реализира неверојатен “трипл-дабл” 40 поени, 27 скокови и 10 асистенции.
Со овој перформанс, Јокич само третиот играч во историјата на NBA кој успеал да оствари “трипл-дабл” со реализирани 40 поени и над 25 скокови на еден натпревар.
Тимот на Лос Анџелес Лејкерс прими лоши вести околу повредата на Ентони Дејвис. Откако беше констатирано дека центарот ќе паузира минимум еден месец, “лејкерси” ги чекаше натпревар со Вашингтон Визардс.
Во интересен и неизвесен натпревар, домаќините успеаа да извојуваат тесна победа од 119:117. Пет играчи имаа двоцифрен број на поени а водечки (очекувано) беше Леброн Џејмс со 33 поени и 9 асистенции.
Детроит Пистонс го пречека Бруклин Нетс кој беше во сериозен налет.
Домаќините пружиа силен отпор но, сепак “мрежичките” беа пресилни.
Поради одличниот поентерски перформанс на своето ѕвездено дуо, Кевин Дурент (43 поени) и Кајри Ирвинг (38 поени), Бруклин победи со 124:121.
Ова беше нивна шеста победа по ред и 9 триумф во последните 10 натпревари.
Минесота Tимбервулвс го пречека Чикаго Булс.
“Волците” постигнаа тимски рекорд од 150 поени и по таква поентерска претстава (очекувано) победија со 150:126.
За тимот од Минеаполис седум играчи постигнаа двоцифрен број на поени а водечки беше Ентони Едвардс со 37 поени + 11 асистенции.
NBA FAN
Димитар Младеновски
