Њу Јорк Никс објави нималку позитивна информација. Нивниот плејмејкер Кемба Вокер ќе го пропушти остатокот од првенството.
“Во заеднички договор со нашиот играч, решивме да го деактивираме до крајот на сезоната. Кемба нема да тренира со тимот и нема да настапува до крајот на тековното првенство. Во наредниот период очекуваме да го искористи времето за да се подготви за наредната сезона. Долгорочниот успех на нашите играчи се секогаш наш главен приоритет” – гласи соопштението на управта на Њу Јорк Никс.
Поранешниот Ол-Стар пристигна во “големото јаболко” пред почетокот на сезоната. Одигра 37 натпревари и беше под очекувањата, постигнувајќи 11 поени и 3.5 асистенции во просек со лимитирана минутажа.
