Во овој период на изолација и недостиг на кошаркарски возбудувања, време е за разни кошаркарски анализи и детални податоци.
На мое (лично) огромно задоволство, имаме анализа на потезите и кошаркарските способности на една од најинтересните NBA приказни. Дерик Роус. Играч кој претрпе страотни повреди и тешки поминати периоди во патот кон конечна рехабилитација. За жал многу фанови имаат селективна меморија (кога е во прашање денешната кошарка) а времето е најголем непријател на секој спортист.
Онаа жар и борба која ја поседуваше уште од најрана возраст, го доведоа “Пух” до фантастичен успех на почетокот од својот професионален пат. Без дилема, едно од најголемите имиња кој ги дал неговиот легендарен роден град. Херојот на Чикаго. “Егзекуторот од ветровитиот град”. Гордостa на Илиноис.
Од “дебитант на годината”, преку All-Star селекција, репрезентативец на Америка, па се до добивањето на престижната награда за најдобар играч на сезоната т.н. “MVP”.
Најмладиот во историјата на кошарката кој успеал да стигне до ова маркантно индивидуално достигнување. Уживајте во сите сличности кој се видливи кај еден од најомилените спортисти во Светот. Што е исто од пред девет години, и сега? Физички многу работи се сменети од 2011 година но, сепак успешната приказна продолжува. На задовлство на многумина.
NBA FAN
Димитар Младеновски
