NBA колумна на Димитар Младеновски-Дион Вејдерс новиот играч на Лејкерси (ВИДЕО)

984

Во текот на вчерашниот ден стигна информација дека тимот од Лос Анџелес, како слободен играч во своите редови го доведе бекот шутер Дион Вејдерс. Што значи овој потег за Лејкерси? Најпрво, треба да се има во предвид дека договорот кој го потпиша стрелецот родум од Филаделфија е т.н. незагарантиран договор. Во превод, Вејдерс ке треба во периодот кој следува да го заслужи местото во ростерот на тимот кој во моментов е главен фаворит за шампионската титула.Доколку се покаже во добро светло, ке биде вметнат во финалниот состав кој би бил пријавен за настап во плеј офот.


Дион Вејдерс е 28 годишен ветеран со солидно NBA искуство. Поранешен (висок) 4-ти пик на драфтот кој во својата кариера има настапувано за Кливленд, Оклахома и Мајами. Најсилно оружје му е офанзивата, односно прецизниот шут како и чувството за навремена реакција во нападот. Во последните две сезони кој му беа исполнети со повреди како и пехови надвор од теренот успеа да покаже и дека сериозно посветил време на подобрување на играта во одбраната. Како најголем минус му се препишува несериозноста како и проблематичниот карактер. Тоа не би претставувало проблем во новата средина каде доаѓа во сериозен колектив, со врвни цели како и состав преполн со докажани искусни играчи. На крај, мотивот да се докаже и шансата да дојде до шампионски прстен е сосема доволна причина играчот кој го нарекуваат “главоболка” да им претставува сериозен проблем на противниците. Во игра ке влегува од клупата за резерви и минутажата која ке ја добива ке се обиде максимално да ја искористи. Следува видео од овосезонските 3 настапи на Вејдерс во дресот на Мајами Хит.

NBA FAN
Димитар Младеновски