Од богатата NBA програма издвојуваме два натпревари.
Најпрво во центарот на вниманието беше младиот бек поентер на тимот од Денвер, Џемал Мареј кој реализираше 50 поени. Гостинскиот тим на “нагетси” извојуваа победа во Кливленд. Канадскиот репрезентативец стана првиот играч во историјата, кој до бројката од 50 поени дошол без ниту еден поен од линијата за слободни фрлања како и со 80% успешност на обидите од поле.
Водечкиот тим на Истокот, Филаделфија на домашен терен славеше против Чикаго во меч на кој нивниот главен играч Џоел Ембид (исто како и Мареј) постигна 50 поени. За центарот на “сиксерси” ова е рекорд на кариерата. На импресивната поентерска партија придодаде и 17 скокови.
NBA FAN
Димитар Младеновски
