Името на Петрик Елушиус Јуинг со златни букви е запишано во историјата на NBA лигата, а посебно на тимот на Њу Јорк Никс. “Капетанот” помина цели 15 незаборавни сезони во тимот од “големото јаболко”. Беше 11 кратен “All Star” играч и остана запаметен како еден од најдобрите центри во историјата на кошарката.
Сезоната 1998-1999 беше исклучително интересна.
За прв пат првенството започна со задоцнување од 4 месеци поради “лок-аутот” што значеше и скратување на сезоната од 82 на 50 натпревари.
Токму оваа сезона Њу Јорк Никс го направи најголемиот подвиг во плејофот успевајќи како 8-мо пласиран тим да стигне до големото финале (нешто што до тогаш никогаш се немаше случено а се случи само уште еднаш – од страна на Мајами Хит во 2023 година).
Јуинг беше предводник на овој силен тим и на 36-годишна возраст често покажуваше за каква кошаркарска величина станува збор. Повеќето фанови забораваат дека само една година подоцна управата на “Никси” ќе го направи незамисливото.
Во рекордна размена помеѓу 4 тимови и вкупно 16 играчи, го испрати својот најдобар играч во Сиетл.
Иако кариерата ја заврши во друг дрес, сепак поврзаноста помеѓу Јуинг и Њу Јорк е нераскинлива. Последните две сезони во својата импресивна кариера, “Пет” ги подели помеѓу Сиетл и Орландо.
Денес е тренер на неговиот универзитет – Џорџтаун и член на еминентната “Хала на славните”. Убаво е чувството кога ќе се види како Петрик при крајот на својот престој во Њу Јорк ги уништува противничките одбрани.
Токму ова видео (во дуел со својот лут ривал тимот на Индијана Пејсерс) тоа го покажува на дело. Мечот одигран во Медисон Сквер Гарден на 30-ти Март 1999 година.
Ужувајте….
NBA FAN
Димитар Младеновски
