Еден од најкорисните “споредни” играчи кој се појавиле во NBA лигата, претставува молневито брзиот Боби Џексон. По средношколските успеси во “Солсбери”, и (цели – полни) 4 години на универзитетската сцена која ја подели помеѓу Западна Небраска и Универзитетот од Минесота, во 1997 пристигнува на големата сцена како 13-ти пик.
Иако беше избран од Сиетл, Џексон веднаш беше разменет во Денвер каде имаше успешна дебитантска сезона иако тимот имаше слаб резултат. Следуваа две години во Минесота каде во потполност ги извршуваше задачите кој му беа поставувани, најчесто влегувајќи од клупата за резервни играчи. Играта која ја пружаше донесе нов договор со еден од најсилните тимови во лигата.
Најдобрите години следуваа во дресот на Сакрамнето Кингс. Џексон настапуваше за “кралевите” од 2000 до 2005 во период кога тимот од Калифорнија беше претендент за тронот. “Екшн Џексон” како што го нарекуваа, стана еден од најголемите милинеци на публиката во “Арко” арената. Но не беа само навивачите оние кој го поддржуваа. Боби претставуваше и еден од најпосакуваните соиграчи, обожуван од своите соборци. Во 2003 ја освои наградата за “најдобар шести играч” во NBA.
Од 2005 до 2008, Џексон настапуваше за Мемфис, Њу Орлеанс и кратко (26 натпревари) во Хјустон. Секаде беше сметан за стабилен и зрел ветеран на кого може да се смета за инстант поентирање и брзина во играта, во секое време. Во Август 2008, на задовлство на фановите, се врати во Сакраменто и таму ја одигра последната сезона во кариерата. Токму на местото каде ги имаше најубавите играчки денови, неколку години подоцна (2012 и 2013) беше помошник тренер на тимот.
Џексон претставува еден од многуте “подзаборавени стрелци” од минатото, неуморен играч и борец кој секогаш давал 100%. Во моментов е главен тренер на Стоктон Кингс (филијала на Сакраменто Кингс во развојната NBA G League).
NBA FAN
Димитар Младеновски
NBA колумна на Димитар Младеновски-Приказната за Грент Хил (ВИДЕО)
NBA колумна на Димитар Младеновски-Шампионот на кој не му беше потребна титула (ВИДЕО)
NBA колумна на Димитар Младеновски-Кој го уби Лоренцен Рајт? (ВИДЕО)
NBA колумна на Димитар Младеновски-Денис Родман изнесе шокантни факти (ВИДЕО)
NBA колумна на Димитар Младеновски-Профил на Лери Џонсон (ВИДЕО)
NBA колумна на Димитар Младеновски-Животот на Eди Кари “baby Shaq” (ВИДЕО)
