Лос Анџелес Лејкерс, е заинтересиран за бекот на Сан Антонио Спарс, ДеМар ДеРозан.
Шампионот е подготвен да понуди двајца свои играчи во замена за ѕвездата на нивниот ривал. Освен понудата 2 за 1, “езерџиите” се спремни во пакет да пратат и иден прв избор во првата и во втората рунда од драфтот.
Американскиот новинар Кевин О’Конор е убеден дека наскоро екипата од Лос Анџелес ќе испрати понуда за ДеРозан, а според неговите информации во Сан Антонио би заминале Кајл Кузма и (поранешниот играч на “спарси”) Дени Грин. 
ДеРозан е во Сан Антонио од 2018 година по трампата која во спротивна насока го одведе Каваи Леонард. Сепак, 31-годишникот според медиумите од “Аламо”, нема што да понуди на младиот тим на Грег Попович. Се по очигледно е дека екипата од Тексас планира целосен ремонт пред почетокот на следната сезона и новите предизвици. Претходното првенство беше прво по 1997 година како Сан Антонио не успеа да се пласира во плеј-офот.
Походот по 18-та титула во, Лејкерс ќе го започнат засилени уште една супер-ѕвезда, но останува отворено прашањето за кој играч ќе им се придружи на ЛеБрон Џејмс и Ентони Дејвис. Едно од најголемите имиња кое се споменува е Крис Пол. Токму 10-кратниот Ол-Стар играч би бил одлично засилување за “лејкерси” доколку се земе во обзир слабоста на бековските позиции. Но како што пренесува ESPN, 35-годишниот плејмејкер не е заинтересиран за премин во Лос Анџелес, бидејќи актуелниот шампион би му помогнал него да освои прстен, а не обратно.
Најдобра опција се чини е ДеMар ДеРозан. Родум од Комтон (во Лос Анџелес) овој потег би претставувал негово враќање дома. Експлозивниот бек најголем дел од својата кариера ја помина во Торонто. “Лејкерси” би добиле играч каков што им е исклучително потребен. Џејмс и Дејвис ќе останат првите имиња во составот, додека ДеРозан ќе биде трета опција во нападот како и одлична замена за “кралот”, кој во новата сезона ќе го предводи тимот од “Ел-Еј“ со полни 36 години.
NBA FAN
Димитар Младеновски
