Тимот на Мајами Хит беше едно од најпријатните изненадувања во тековното првенство. Тимот од Флорида претходното лето доби големо засилување во еден од најдобрите “all around” играчи во лигата, неуморниот Џими Батлер. Нивниот надежен центар, Бем Адебајо сезонава стана “All Star” играч.
“Жешките” добија исклучително прецизен шутер преку драфтот бирајќи го Тајлер Хиро, а имаа и неколку пријатни изненадувања како Данкан Робинсон и Кендрик Нан кој покажаа зрелост над своите години. Во преодниот рок успеаа да го добијат поранешниот шампион, искусниот Андре Игудала како и дефанзивно ориентираното ниско крило Џеј Краудер. Засилувањето на центарската позиција (коe стигна од Портланд) атлетски силниот Мајерс Леонард одлично се снајде во новата средина и дава полн придонес за својот нов клуб.
“Летачкиот” Дерик Џонс секојдневно покажува рапиден напредок во својата игра. Словенскиот “змеј” Горан Драгич иако е ветеран, сеуште не покажува застој во квалитетот на играта која ја пружа секоја ноќ. Четата на легендарниот Пет Рајли е многу блиску до прераснување во сериозен конкурент за тронот. Уживајте во најубавите моменти на Мајами од досегашниот дел од сезоната.
NBA FAN
Димитар Младеновски
