Одлични вести доаѓаат од Милвоки. Генералниот менаџер на тимот, Jon Horst изјави дека франшизата од Wisconsin ќе направи се да го задржи најдобриот кошаркар Giannis Antetokounmpo што е можно подолго. Феноменалниот грчки репрезентативец минатата сезона ја доби наградата за најкорисен кошаркар во NBA, а ги предводеше Bucks и до финалето на Источната конференција.
Летово “елените” се засилија со искусниот центар Robin Lopez кој ке игра во тандем со својот брат близнак Brook Lopez кој лани пристигна во тимот. Нови играчи се и искусните шутери Wesley Matthews и Kyle Korver. Нов договор потпиша и вториот најдобар играч во составот – Khris Middleton што значи дека Bucks-и во новата сезона влегуваат со подлабок состав од лани.
Следното лето договор на Giannis истекува, а од Милвоки се подготвени да го задржат давајќи му рекорден договор од 247 милиони долари на пет години. Интересно е што пред неполн месец во тимот пристигна и неговиот брат Thanasis Antetokounmpo, кој имаше одлична сезона во дресот на Атински Panathinaikos.
“Во моменов не смееме да преговараме со Јанис, но за година дена ќе може да добие максимален договор. Тогаш ќе му го понудиме тоа. Апсолутно го заслужува. Тој го сака Висконзин, и мислам дека ќе остане со нас долго време“, изјави генералниот менаџер Jon Horst.
NBA FAN
Димитар Младеновски
