NBA колумна на Димитар Младеновски-Дебито на Ален Ајверсон (ВИДЕО)

1400

На денешен ден, своето деби го имаше играчот кој засекогаш ја промени кошарката. Ноќта помеѓу 1-ви и 2-ри Ноември 1996 година, Ален Ајверсон го одигра првиот професионален натпревар за Филаделфија против тимот на Милвоки Бакс.Интересен податок, истатa вечер свое професионално деби имаше уште еден великан, еден од најголемите шутери на сите времиња, Реј Ален. “Сиксерси” загубија на домашен терен и покрај маестралната премиера на својот прв пик. “Елените” победија со конечен резултат 111:103. Ајверсон мечот го заврши со 30 постигнати поени (со одличен шут од поле, реализација 12 од 19) зачинети со 6 асистенции.Уште во првата сезона, Ајверсон покажа за каква уникатна играчка величина станува збор. Ја освои наградата за дебитант на годината како и MVP наградата на мечот помеѓу најдобрите дебитанти на All Star викендот во Кливленд. Сруши повеќе рекорди помеѓу кој и еден неверојатен. На 5 средби по ред, “Еј Ај” уфрлуваше преку 40 поени рушејќи го 30 години стариот рекорд на Вилт Чембрлен. Во последниот меч ги уништи “Кавси” (среде Кливленд) со 50 постигнати поени. Премиерното првенство го заврши како шести стрелец најавувајќи ја блескавата поентерска иднина.Оваа вечер преставуваше почеток на една нова ера за тимот од Пенсилванија. Клубот со богата историја го доби еден од најуникатните и најмаркантни ликови кој се појавиле на теренот. Легендарната 3-ка на “сиксерс” стана омилена ширум Светот. Денес е заслужено повлечена од употреба во чест на ултра брзиот и храбар стрелец.Уживајте во најубавите моменти од дебитo на “The Answer”.

NBA FAN

Димитар Младеновски