Рашид Абдул Волис е една од најмаркантните личности кој некогаш се појавиле на кошаркарската сцена. Високиот крилен центар имаше богата (17 годишна) професионална кариера. Беше 4-кратен “All Star” играч и NBA шампион со Детроит Пистонс во 2004 година.
“Шид” беше еден од првите играчи кој и покрај неговата висина од 210 сантиметри, подеднакво успешно се снаоѓаше во играта во рекетот како и позади линијата за три поени. Освен што беше ретко сестран, остана запаметен и како голем мотиватор и соиграч кој секој би го посакал до себе. 
За “гордоста на Филаделфија” може да се пишува многу. Денес се потсетуваме на неговата “вечна борба” со судиите во текот на натпреварите. Неговата жар, емотивност и непресушлива енергија во комбинација со челичната волја и желба за победа често го чинеше големи проблеми. Беше вистинска мета на оние кој требаше да спроведат ред и дисциплина на теренот. 
Волис е рекордер по бројот на технички грешки во богатата историја на NBA лигата. Следува видео во кое детално се опишува како “Шид” беше неправедно окфалификуван како проблематичен (на моменти ексценричен) играч. Уживајте…
NBA FAN
Димитар Младеновски
