Расел Вестбрук заминува од Хјустон!
Искусниот новинар, Шем Шаранија, објави екслузивна информација поврзана со еден од најдобрите играчи во Светот. 32 годишниот бек, и поранешен MVP на првенството, синоќа им соопштил на челниците на тимот од Тексас дека е решен да ја промени средината. Вестбрук лани пристигна во Хјустон по цели 11 години поминати во дресот на Оклахома Сити Тандер. 
И покрај високите амбиции, сезоната која помина беше разочарувачка за тимот на Хјустон. “Ракетите” едвај го елиминираа довчерашниот тим на “Рас” во првото коло на плеј-офот за потоа да загубат од Лос Анџелес Лејкерс со 4-1. 
Вестбрук има богат договор кој го прави уште потежок за размена. Во наредните три години, ке заработи 131 милион долари. Њу Јорк, Чикаго, Сакраменто и Феникс се првите клубови кој веднаш изразија желба да го видат во нивна униформа.
Проблемите во составот не завршуваат само со атрактивниот бек. Првиот играч на тимот, Џејмс Харден, веќе неколку пати јавно го искажа своето незадоволство со ангажманот на управата на тимот. Дефанзивно ориентираното крило Пи Џеј Такер како и плејот Остин Риверс се во отворен конфликт со раководството бидејќи сеуште ги очекуваат своите нови договори. Пред нецел месец, главниот менаџер на тимот, Дерил Мори беше отпуштен. Веднаш по елиминацијата на “рокитс”, оставка си поднесе и главниот тренер, Мајк Д’Ентони.
Останува да видиме што ке се случува наредниов месец кој ке биде исклучително интересен имајќи во предвид дека набрзо следува NBA драфтот како и периодот на потпишување на играчи и размени. Почетокот на следното првенство се очекува да биде на 22 Декември 2020.
NBA FAN
Димитар Младеновски
