Јудонис Јохил Хејслем. Родител, пријател, професионалец. Најмногу познат како крилен центар и икона на Флорида. Од средношколските, преку универзитетските денови па се до денешен ден во најдобриот и најтрофеен професионален тим на оваа Америчка држава. Неспорно е дека NBA ветеранот, е еден од најдобрите ментори кој се појавиле на кошаркарските терени кој oстави неизбришлив печат во последните две декади. Заедно со својот “поголем брат” Алонзо Морнинг, ја редифинираа работната навика кај професионалните спортисти. Крв, пот, солзи и многу непреспиени ноќи имаше во професионална кариера на овој воин.
Величини како Денис Родман и Бен Волис не ретко кажуваат дека Хејслем е нивна верзија во новото време. Достоинствено и тивко вршејќи ја својата задача од вечер во вечер. Еден од најголемите пријатели на најдобриот играч во историјата на Мајами Хит, легендарниот Двејн Вејд.
Експертите гарантираат дека “ѕверот / волкот од Волфсон” (Флорида) по завршувањето на играчката кариера, ќе има (максимално заслужено) место во управата на тимот на “жешките”. Од потценет и не драфтуван до респектиран, величен, обожуван. Воинствениот пристап кој го има секојдневно го направија великан на Флорида. Играч но, пред се личност кој секој би ја посакал на своја страна.
Преку емисијата на еден од најмаркантните NBA ликови кој се појавиле – Нејт Робинсон, преку ова видео успеваме да ѕирнеме во домот на 3-кратниот NBA шампион и икона на градот Мајами. Имајќи во предвид кој трновит пат го помина за да стигне каде што е денес, “Ју-Ди” го заслужува сето ова, па дури и повеќе.
“Господин Мајами” (како што повеќето го нарекуват) реален како и секогаш, раскажуваше за неговиот кошаркарски пат, универзитетските денови, најдобрите пријатели. Го потенцира и строгиот режим како и љубовта и посветеноста кон своето семејство, своите двајца синови. Раскажа и за влијанието на ветераните како и супер ѕвездите кој играле покрај него.
Го потенцираше и жртвувањето и адаптацијата која морал да ја помине од година во година, за да успее. И навистина успеа. Интересен е делот каде ги опишува неговите љубимици (меѓу кој има и ајкула).
Уживајте во ова уникатно видео.
NBA FAN
Димитар Младеновски
NBA колумна на Димитар Младеновски-Шампионот на кој не му беше потребна титула (ВИДЕО)
NBA колумна на Димитар Младеновски-Кој го уби Лоренцен Рајт? (ВИДЕО)
NBA колумна на Димитар Младеновски-Животот на Eди Кари “baby Shaq” (ВИДЕО)
NBA колумна на Димитар Младеновски-Денис Родман изнесе шокантни факти (ВИДЕО)
NBA колумна на Димитар Младеновски-Приказната за Грент Хил (ВИДЕО)
NBA колумна на Димитар Младеновски-Профил на Лери Џонсон (ВИДЕО)
