Синоќа започна новата NBA сезона. Во првиот натпревар од новото првенство, кошаркарите на Бруклин Нетс убедливо со го совладаа Голден Стејт Вориорс во својот “Барклеј центар“ со краен резултат 125:99. Екипата предводена од новиот тренер Стив Неш, предводена од своето динамично дуо, Кајри Ирвинг и Кевин Дурент уште во првата четвртина ги разби гостите со тоа што уфрли 40 поени (40-25), а потоа од четвртина во четвртина, растеше предноста на “мрежичките”.
Прв поентер на тимот на Бруклин беше Кајри Ирвинг кој сите 26 поени ги уфрли во првото полувреме, а притоа имаше четири скока и асистенции. Во првиот меч по долга пауза, Кевин Дурент го заврши мечот со 22 поени, пет скокови и по три асистенции и освоени топки. Кај “воините” најефикасен беше Стеф Кари со 20 кошеви и 10 асистенции. Ова беше прв негов меч по пауза од една година.
Во вториот меч се судрја двата тима од “градот на ангелите”. Екипата на Лос Анџелес Лејкерс најпрво ги прими шампионските прстени, па потоа беа изненадени од градски ривал. Клиперс победија со 109:116 на стартот на новата сезона.
Пол Џорџ со 33 поени и Каваи Ленард со 26 поени го предводеа тимот а на спротивната страна најефикасни беа Леброн Џејмс со 22 поени, Ентони Дејвис со 18 а довчерашниот играч на “клиперси”, Монтрезл Херл постигна 17 поени.
NBA FAN
Димитар Младеновски
