Ерон Џамал Крафорд. Име кое е според најголемиот број експерти е најдобриот играч кој никогаш не бил избран за “All Star”. Рекордер во разни статистички категории и еден од најпотценетите играчи во кошаркарската историја. Единствен кој успеал да постигне преку 10.000 поени влегувајќи како играч од клупата. Во моментов е без ангажман што претставува најголемо изненадување, имајќи во предвид колку сеуште поседува врвен квалитет, жар како и љубов за оваа игра.
Родум од Сиетл (Вашингтон), “Џеј” е еден од најдобрите стрелци кој произлегле од Пацификот. Прекален ветеран со 20 годишна NBA кариера. Рекордер по бројот на постигнати “4-ки”, односно успешно постигната “тројка” под прекршок. Рекордер по бројот на освоени награди за најдобар 6-ти играч, најдобра резерва во NBA. Оваа награда Крафорд ја има освоено 3 пати, 2010,2014 и 2016 година. Рекордер по бројот на постигнати повеќе од 50 поени за 4 различни тимови. Штотуку го прослави својот 40 роденден, а изгледа небаре идентично како на 19 години кога стапна на професионална сцена.
На денешен ден, пред точно една година “Ј Crossover” во својот последен меч, постигна 51 поен на гостување против Далас Маверикс. Со тоа стана највозрасниот играч на кое тоа му пошло од рака, со полни 39 години. Во прилог видео од мечот, на кој (по кој знае кој пат) Џеј Крофорд докажа дека за прекалените стрелци, годините се само бројка. Уживајте…
NBA FAN
Димитар Младеновски
