NBA колумна со Димитар Младеновски-Вртоглави промени во првите 24 часа

1230

Тимот на Чикаго добива сериозно засилување во еден од најатрактивните бекови во лигата. Демар Дерозан доаѓа во “ветровитиот град”. Според првите информации кој пристигнаа, се работи за три годишен договор вреден околу 85 милиони долари. За да ослободат простор за Дерозан, “биковите” се ослободија од Ал Фарук-Амину, Тедиус Јанг, и три пикови на наредните драфтови кој ке завршат како еден вид конпензација, во Сан Антонио. Интересно е што новиот соиграч на расниот стрелец, Никола Вучевич, беше негов тимски другар во средношколските денови, во Калифорнија.

За она што се говореше повеќе од три години, синоќа (конечно) и се реализира. На задоволство на фановите, а најмногу на неговиот голем пријател (Леброн Џејмс), Кармело Ентони е нов играч на Лос Анџелес Лејкерс. По првичните информации, “Мело” потпишува едногодишен договор за т.н. “ветерански минимум”. Во тимот (од Шарлот) пристигнува и дефанзивно ориенираниот бек, Малик Монк кој исто така се сложи на едногодишна верност.Нов играч на Бруклин Нетс е искусниот шутер Пети Милс, кој ја освои шампионската титула со тимот на Сан Антонио Спарс во 2014 година. Австралискиот репрезентаивец за двегодишна вредност ке добие 12 милиони долари. Нов адут од клупата ке биде и новодоведениот крилен центар, ветеранот Џејмс Џонсон за кого ова ке биде (дури) 10-ти NBA тим во кариерата.Голден Стејт Вориорс, исто така ја засили клупата за резервни играчи. Ги доведе го поранешниот српски репрезентативец, Немања Бјелица како и (некогаш) талентираниот и перспективен крилен играч, Ото Портер Јуниор кој од година во година игра се помала улога во тимот за кој настапува.

Во останатите новости, шутерот Даг МекДермонд успеа да добие богат договор од страна на Сан Антонио. За три години ке добие 42 милиони долари. Уште еден шутер најде нов дом. Довчерашниот играч на “лејкерси”, Бен МекЛамор се сели во Портланд. Во тимот од Орегон доаѓа уште еден играч на позиција “двојка”, Тони Снел. Нов играч на Вашингтон е бекот Спенсер Динуиди, за кој се очекува челниците од главниот град да му понудат сериозно висок договор.

Откако “сиксерси” го загубија центарот Двајт Хауард, кој се врати во Лос Анџелес, втора година по ред добиваат нов висок играч токму од тимот на “лејкерси”. Андре Драмонд е нов играч на Филаделфија и ке биде исклучително интересно да се види како ке се снајде со нивниот прв центар, Џоел Ембид, со кого во минатото имаа серизни недоразбирања. Уште еден ветеран ја промени средината. Искусното крило, Руди Геј се сели во Јута. Вртоглави промени во првите 24 часа од преодниот рок. Останува да видиме што следно не очекува?

NBA FAN

Димитар Младеновски